Infowelat Enformasyon Ji Bo Welat
Gotarên Têkildar
A.Rahman Çelîk
Li Sûriyê pevçûnên di navbera komên durzî û sunniyan dewam dikin.
Îsraîlê ji bo van pevçûnan hişyarî da rêveberiya demkî ya Şamê.
Îsraîl got, eger êrîşên li dijî durziyan nesekinîne wê midaxale bike.
Îsraîlê ji bo êrîşên li dijî durziyan hişyarî da rêveberiya demkî ya li Şamê.
Wezîrê Parastinê yê Îsraîlê Îsrael Katz wiha axivî: “Eger êrîşên li dijî durziyan neyên sekinandin, emê bi hêzeke mezin bersivê bidin.”
Katz got, wî ferman daye artêşê ku êrîşên hişyariyê li dijî komên girêdayî rêveberiya Şamê pêk bînin.
Sazîya Çavdêriya Mafên Mirovan A Sûriyê SOHR jî destnîşan dike, li deverên curbecur, zêdetirî 100 kes hatine kuştin.
SOHR ragihand, tenê di du rojên dawç de di pevçûnên li gundewarên Şamê 74 kes hatine kuştin.
Neteweyên Yekbûyî derbarê mijarê de daxuyanî da û kuştina sivîlan şermeza kir.
Koordînatorê Alîkariya Însanî Adem Ebdulmewla got, berfirehkirina şîddetê ewlekarî û aramiya sivîlan dixe xetereyê û rewşa însanî her diçe xerabtir dibe.
Ev çend roj in, li gundewarên paytext Şamê ya Sûriyê di navbera komên Durzî û Sunnî de pevçûn rû didin.
Qeydeke deng a ku heqaretê li pexember Muhemmed dike wekî sebeba êrişên li dijî durzîyan tê nişandan.
Tê ragihandin, qeyda deng ji aliyê mirovekî dînî ya durzîyan ve hatiye belavkirin.
Foto: Karwaneke HTŞê ya ber bi herêma durzîyan ve diçe
