Infowelat Enformasyon Ji Bo Welat
Gotarên Têkildar
A.Rahman Çelîk
Îsraîl gav bi gav Xezayê dagir dike.
75 ji % Xezayê êdî di bin kontrola Îsraîlê de ye.
Li alîyekî din, di 24 saetên dawî de zêdetirî 100 hedefên li Xezayê xist.
Îsraîlê hemû leşkerên xwe yên peya û tankan sewqî Xeta Xezayê kir.
Artêşa Îsraîlê heta niha ji 75 ji % Xeta Xezayê xistiye bin kontrola xwe.
Hefteya borî serokwezîrê Îsraîlê Benyamîn Netanyahû gotibû wê kontrola temamê Xeta Xezayê têxin destê xwe.
Îsraîl tevî dagirkirinê, êrişên li ser Xezayê jî didomîne.
Dawiya hefteyê Xan Yûnis, Cibaliye û Nuseyrat di hedefa Îsraîlê de bû.
Encamên êrişan
Artêşa Îsraîlê di navbera 24 saetan de, li zêdetirî 100 hedefan xist.
Di encama van êrişan de bi dehan kes hatin kuştin.
Wezareta Tendurustiyê ya Xezayê ragihand, cendekên 79 Filîstîniyên di van êrîşan de hatine kuştin birine nexweşxaneyan.
Dibistaneke ku Xezayiyên ji ciyûwarên xwe bûne xwe spartibûnê di saetên nîvê şevê de bû hedefa êrîşên hewayî.
Zêdetirî 20 cendek ji bin kavilên dibistanê hatin derxistin.
Dagirkirin û dorpêçkirina Îsraîlê filîstîniyan bi xelayê ve rû bi rû dihêle.
Birçîbûn di serî de zarok, jiyana temamê Xezayiyan tehdît dike.
Li dij tevger û êrîşên Îsraîlê bertekên navneteweyî hene.
Civîna li Madrîdê
20 Welatên Ewrûpa û ereb ji bo zextê li Îsraîlê bikin ku astengîya yalîkariya însanî betal bike, li paytext Madrîda Îspanyayê hatin gel hev.
Wezîrê Karên Derve yê Îspanyayê Jose Manuel Albares beriya civînê got: “Tekane berjewendiya van welatên ku beşdarî vê civînê dibin, dixwazin şerê zalimane û derveyî însanetiyê yên Îsraîl li Xezayê dide meşandin, bi dawî bikin, ablûkaya alîkariya însanî bişikînin û çareseriya du-dewletbûnê pêkan bikin.”
Malta Filîstînê nas dike
Li aliyê din, piştevaniya Filîstînê ya navneteweyî her diçe zêde dibe.
Serokwezîrê Maltayê Robert Abela destnîşan kir ku ew ê Filîstînê bi awayê fermî nas bikin.
Serokwezîr êrîşên dawîn ên Îsraîlê nîşan da, pê re jî got: “Em nikarin çavên xwe ji vê trajediya însanî re bigirin.”
Robert Abela dibêje, wan vê biryarê “wekî berpirsiyariyeke ehlaqî” daye.
Foto: Dîmeneke Xezaya hatîye wêrankirin.
