Infowelat Enformasyon Ji Bo Welat
Gotarên Têkildar
Cengiz Demirtaş
Tevgera Azadîyê ya Swîsreyê (FBS) ji bo parastina pereyên naqid kampanya da destpêkirin. Tevger dixwaze bikaranîna frank wekî mafekî têkeve Destûra Bingehîn a Swîsreyê.
Nîqaşên li ser meseleya pereyên dîjîtal li Swîsreyê berdewam dikin. Tevgera Azadîyê ya Swîsreyê (FBS) li hember daxwazên dîjîtalkirina pereyan reaksîyon nîşan dide. Tevgerê ji bo parastina pereyên naqid dest bi kampanyayê kir. Çalakîya ewil a alîgirên înîsiyatîfa bi navê “Bargeld ist Freiheit” (Pereyên naqid azadî ye) li Bernê bi daxuyanîyeke çapemenîyê dest pê kir.
Însîyatîf dixwaze hebûna pereyên naqid ên Swîsreyî wekî mafekî di Destûra Bingehîn de bû misogerkirin. Armanc ji vê ev e, herkes bikaribe di jîyana aborî de pereyên Swîsreyê bi kar bîne. Argumaneke sereke ya Tevgera Azadîyê ya Swîsreyê di warê hejmara ATMyan de ye. Tevgerê dide zanîn, di salên dawî de hejmara ATMyan ku civak dikare pereyên naqid jê bikişîne, tên kêmkirin. Ji bo pêşnîyaza vê însîyatîfê û pêşnîyaza dijber wê di meha adarê de referandûmek bê lidarxistin. Welatî wê biryarê bidin ka ew dixwazin pereyên Swîsreyê bi tevahî bên dîjîtalkirin an na.
Înîsiyatîfa Bargeld ligel çalakîyên danasîna pêşnîyaza xwe ya li kolanan, di nava sîyaseta Swîsreyê de jî xebatê dike. Nûnerên însîyatîfê bi rêya parlamenteran di Parlamentoya Federal a Swîsreyê de jî danasîna pêşnîyazê dikin. Herwiha, komeke din a koma ku xwe li ser malpera schweiz-macher.ch birêxistin kirîye, destekê dide vê kampanyayaê.
Tevgera Azadiya Swîsreyê
Tevgera Azadiya Swîsreyê (FBS) ve tê piştgirîkirin ji alîyê Richard Koller ve hat damezrandin. Koller endamê berê yê Partiya Gel a Swîsreyê (SVP) û li Lucerne dijî. SVP partîyeke rastgir e û dijberîya mafên penaberan dike. Di dema pandemiya Covidê de, tevgerê li dijî ferzkirina maskeyan kampanya li dar xistibû.
Foto: Frankê Swîsreyê
