Infowelat Enformasyon Ji Bo Welat
Gotarên Têkildar
Sazîyên meteorolojîyê li ser guherîna avhewayê raporek amade kirin.
Raporê tespît kir ku li parzemîna Ewrûpayê germahî du qatan zêdetirê cîhanê ye.
Lewma jî hişyariyê dide û dibêje: “Xwe amadeyî lehiyan û pêlên hewaya germ bikin.”
Serwîsa Guherîna Avhewayê ya Komisyona Ewrûpayê Copernicus û Rêxistina Meteorolojiyê ya Cîhanê WMO li ser guherîna avhewayê raporek amade kirin.
Rapora ku ji aliyê 100 zanyaran ve hate amadekirin, balê dikişîne ser zêdebûna germahiya cîhanê.
Bi taybetî jî hişyariyê dide Ewrûpayê û pêşnîyazê wê dike, bila xwe amadeyî lehiyan û pêlên hewaya germ bikin.
Rapor destnîşan dike ku Ewrûpa ji her deverê cîhanê zêdetir germ dibe.
Germahiya ku ji şoreşa sanayiyê û vir ve bi gelemperî wekî 1.3 tê pîvandin, li Ewrûpayê wekî 2.4 hatiye tespîtkirin.
Sala borî, ji bilî Îslandê, li her deverê Ewrûpayê germahiya zêde rû dabû.
Sala 2024 wekî sala herî germ tê qebûlkirin.
Bes pispor dibêjin germahî wê dewam bike, salên pêş germahiya zêdetir wê bê dîtin.
335 kes jiyana xwe ji dest dan
Pispor dibêjin, ji salên 1980 û vir ve, parzemîna Ewrûpayê du qatan zêdetir ji cîhanê germ dibe.
Vê yekê jî xetereya lehiyan û pêlên hewaya germ zêde dike.
Lehî, pêlên hewaya germ, firtone û hişkesaliya li Ewrûpayê rû dide, bandorê li ser jiyana nêzî 750 milyon mirovan dike.
Li gorî daneyan, par li Ewrûpayê 413 hezar kes di bin bandora firtone û lehiyan de man û herî kêm 335 kesan jiyana xwe ji dest dan.
Infowelat
———————————————
Foto: Berga rapora avhewayê ya Copernicus
