Wêne

Rosa Luxemburg (1871-1919) 15’ê Çileyê salvegera kuştina teorîsyenê Marksîst, fîlozof û şoreşgera alman Rosa Luxemburg’e. Luxemburg di 1871’an de li Zamoch’a li Polonyayê wekî endamekî malbateke cihû hat dinyê. Ji ber xebatên xwe yên şoreşgerî Luxemburg cezayê girtîgehê girt û mecbûr ma ku derbasî bajarê Zurichê ya Swîsreyê bibe. Luxemburg li wir aboriya polîtîk xwend û ji aliyekî ve jî xebatên xwe yên şoreşgerî domand. Şoreşgera mezin, di 1898’an de tevlî Partiya Sosyal Demokrat a Alman bû û di nava vê partiyê de dest bi nivîsên xwe yên şoreşgerî kir. Di 1918’an de tevlî Karl Liebnecht Partiya Komunîst a Alman damezrand û ji bo şoreşeke alman xebatên xwe kûr kir. Mixabin di 1919’an de Luxemburg û du hevalên wê ji aliyê leşkerên artêşa alman ve hatin girtin. Piştî lêpirsînê Luxemburg û Liebnecht hatin kuştin û leşkeran cendekên wan avêtin çemekê. Dema hat kuştin Rosa Luxemburg 48 salî bû.

Bêtir »

Kovara Wêje û Rexne li Amedê dest bi weşanê kir. Hejmara yekemîn a kovara ku ji çar mehan carekê weşanê dike, li pirtûkfiroş û rojnamefiroşan ciyê xwe girt. Kovar ji aliyê Klûba Xwendinê ya Amedê û Koma Xwendinê ya Qoserê tê derxistin. Di hejmara yekemîn de hevpeyvîna bi rexnegir Haşim Ahmedzade û dosyeya “Di wêjeyê de bêcîûwarî” cî digire.

Bêtir »

“Xwe dişemitînin an dişemitin?” Radyoya Ewropaya Azad (RFE) di warê performansa hin lîderên cîhanê ya di 2013’an de kartonekî weşand. Di kartonê de lîderên serkeftî xwe dişemitînin lê yên têkçûyî ketine erdê û dişemitin. Serokê Çînê Xi Jinping, Papa Francis, serokê Îranê Hesen Rûhanî, serokê Rûsyayê Vladimir Putin û serokê Sûriyeyê Beşar Esad wekî ku di kartonê de tê dîtin serkeftî hatine nîşandayîn. Serokwezîrê Tirkiyeyê Tayîp Erdogan, Serokê Amerîkayê Barack Obama, Serokê Ûkraynayê Victor Yanukovich, Serokê Misrê Muhamed Mursî ku îsal ji kar hatibû dûrxistin û serokê Afganîstanê Hemîd Karzayî wekî serokê têkçûyî hatine nîşandayîn. (Karton ji aliyê Katerina Martinovich ve hatiye xêzkirin)

Bêtir »

Weşana bi navê Zazakî dest bi weşanê kir. Hejmara yekemîn a weşana ku di Cotmehê de hat weşandin ji 4 rûpelan pêk tê. Di weşanê de zazakiya navçeya Solexan a Çewligê tê bikaranîn. Navenda weşana nû li Solexanê ye.

Bêtir »

Rojnameya Tîgrîs li Amedê dest bi weşanê kir. Tîgrîs bi kurdî û tirkî tê weşandin û ji 16 rûpelan pêk tê. Di hejmara ewilî ya rojnameyê de hat diyarkirin ku “ew ê rojname ne girêdayî mitehîd, rantxur û ne jî dijminên gel be.” Rojname ji rûpelên aktuel, polîtîka, civak, çand û huner, jin, aborî, cîhan û herêmê pêk tê.

Bêtir »

Li paytexta Polonya Warşovayê xwepêşandana li hember Civîna Îklîmê. 190 dewlet beşdarê civîna ku di 11 Mijdar 2013’an de hat lidarxistin, bûn. Di civînê biryarên pir pêwîst ên ji bo sekinandina germûna global nekarîbû bihatana girtin. Ev jî bû sebeba lidarxistina xwepêşandanên bi vî rengî.

rşova

Bêtir »

Li Mala Piştgiriya Perwerdeyê ya Baxlerê perwerdeya kurdî dest pê kir. Di dema nû ya perwerdeyê de 700 zarokên ku temênê wan di navbera 9 û 14’an de bûn, serî lê dan. Kurdî di sazîyê de dersa bingehîn e û jê pê ve dersên wekî tirkî, cografya û matematîk jî tên dayîn. Heta niha 5,000 kesên ku perwerdeya li saziyê qedandine, perwerdeya kurdî jî wergirtine.

 

Bêtir »

Protestoyên li hember Qanûna Wert a hikumeta spanyol. Qanûna nû ku wê di 2014-2015’an de bê tetbîqkirin, bêyî beşdariya aktîf a welatiyan û herêmên xweser ên Spanyayê, di modela perwerdeyê de guherîneke mezin çêdike. Bi vê modelê, garantiya ji bo perwerdeya xwedî qelîteyek bilind, sosyal û demokratîk ji holê tê rakirin. Modela nû, modela perwerdeya ziman a li hin herêmên xweser ku 30 sal in tê meşandin jî diguherîne û li van herêman saetên dersa spanyolî zêde dike.

Bêtir »

Di bîranîna Şerê Leipzigê yê 1813’yan ê di navbera artêşa Napolyon û hêzên ewrûpî de 6000 kes rol girtin. Di vî şerê mezin de hejmara hêzên Napolyon 185,000 û yên îtîfaka hêzên ewrûpî yên wekî Rûsya, Prûsya, Awistirya û Swêd 320,000 bû. Artêşa Napolyon di vî şerî de têk çû û saleke şûn de hêzên ewrûpî bi êrîşeke dawî rejîma Napolyon hilweşandin.

Bêtir »