Infowelat Enformasyon Ji Bo Welat
Gotarên Têkildar
A.Rahman Çelîk
Hevdîtinên aştiya Ûkraynayê li Stenbolê dest pê dikin.
Beriya civînê hêvî ev bû, serokên Rûsya, Amerîka û Ûkraynayê wê lûtkeya lîderan pêk bînin.
Lêbelê Vladimir Putin nehat Stenbolê û Donald Trump jî li Qeterê ma.
Hevdîtinên aştiyê yên Ukraynayê li Tirkîyeyê dest pê dikin.
Beriya rûniştînê hêviyeke mezin pêk hatibû ku hevdîtin wê di asta lîderan de pêk were.
Dihat payîn ku serokê Rûsyayê Vladimir Pûtîn wê biçe Stenbolê.
Donald Trump ji Qeterê gotibû, eger Vladimir Putin biçe Stenbolê, ew ê jî rêya xwe biguherîne û berê xwe bide Stenbolê.
Lêbelê serokê Rûsyayê Vladimir Putin neçû Stenbolê û loma jî îhtimala zîrweyê jî ji holê rabû.
Heyeta Rûsyayê ya di bin serokatiya şêwirmend Vladimir Medinsky ji bo hevdîtinan hat Stenbolê.
Hevdû sûcdar kirin
Ûkraynayê destnîşan kir ku “Rûsya bi heyeteke di asta xapandinê de beşdar dibe.”
Li ser vê yekê, berdevka Rûsyayê Maria Zaxarovayê serokê Ûkraynayê Volodimir Zelensky wekî “qeşmer” pênase kir.
Berdevkê Wezareta Karên Derve ya Ûkraynayê George Tykhyi jî destnîşan kir ku serokê Rûsyayê Vladimir Pûtîn ji muzakereyê direve.
Li ser vê daxuyaniyê, Wezîrê Karên Derve Sergey Lavrov jî serokê Ûkraynayê Volodimir Zelensky wekî yekî belengaz û kuklayê Brîtanyayê pênase kir.
Pê re jî, berdevkê Kremlînê Dmitry Peskov li ser babetê diyar kir ku dîroka muzakerayan ne diyar e û Kîewê hîna wê kê Ûkraynayê temsîl bikin zelal nekiriye.
Foto: Stenbol/Wikipedia
