Infowelat Enformasyon Ji Bo Welat
Gotarên Têkildar
Fatoş Demirtaş
Almanya wê êdî di dewsa pereyan de qertekê bide penaberan.
Hikumet radigihîne, bi vê tedbîrê ew dixwaze pêşî li ber şandina pereyan ji bo derveyî welêt bigire.
Almanya wê êdî di dewsa pereyan de qertekê bide penaxwazan.
Biryara derbarê mijarê de ji aliyê Parlamentoya Almanyayê Bundestagê ve hat pejirandin.
Hikumeta federal a Almanyayê jî wê ji bo vê meseleyê rêziknameyekê amade bike.
Bi vê pergala nû, wê penaxwaz ji dewletê mîqtarekê dikare wekî kredîyê bê pênasekirin, werbigirin.
Ev kredî wê her meh li karta penaberan bê barkirin.
Penaxwaz wê ji bo pêdîvîyên xwe rojane bikaribin vê kartê bi kar bînin.
Wezîra Karên Navxweyî ya Federal Nancy Faeser (SPD) got kart dikare di supermarketan, dikanan, kuaforan û qadên din de bê bikaranîn.
Faeser da zanîn, bi vê tedbîrê hikumet herî zêde dixwaze pêşî li ber şandina pereyan ji bo derveyî welêt bigire.
Serokwezîrê Almanyayê Olaf Scholz û serokwezîrên eyaletan di 6ê Mijdarê de li ser kartê li hev kiribûn.
Li gori qanunê, penaxwazên li Almanyayê dimînin wê beşeke ji lêçûyînên jiyanê yên wekî kredî werbigirin.
Hikumetê ragihandibû, ew dixwaze penaxwaz nema pere bişînin derveyî welêt û ji qaçaxçiyên karê bazirganîya mirovan dikin.
Hişyarî ji sendîkaya polîsan
Serokê sendîkayê Jochen Kopelke dîyar kir, penaxwaz gelek caran di bin zextê de ne ku lêçûnên tenduristîyê yên malbatên xwe û deynên qaçaxçiyan bidin.
Sendîkaya polêsan (GdP) bi daxûyanîyeka derbarê mijarê de hukumetê hişyar kir.
Serokê sendîkayê Jochen Kopelke dîyar kir, penaxwaz gelek caran di bin zextê de ne ku lêçûnên tenduristîyê yên malbatên xwe û deynên qaçaxçiyan bidin.
Li gorî sendîkayê, dayîna kartê wê zextên aborîyê yên li ser penaxwazan ji holê raneke.
Kopelke dîtinên xwe bi van gotinên balkêş îzeh kir:
“Eger ji bo vê rewşê tolerans neyê nîşandayîn, xetere heye ku penaber hewl bidin bi kiryayên neqanûnî pereyên ku hewce bi dest bixin.”
Foto: Parlamentoya Almanyayê Bundestag/Wikipedia
Infowelat
