Infowelat Enformasyon Ji Bo Welat
Gotarên Têkildar
Rûsya îdîa kir li rojhilatê Ûkraynayê 5 wargehên ketin ketine bin kontrola wê
Herwiha Rûsya diyar kir, li Ûkraynayê gelek sîstemên çekên NATO’yê hatine hilweşandin
Wezîrê Parastinê ya Rûsyayê Sergey Şoygû derbarê rewşa dawî ya li eniya Donbasê daxuyaniyek çapemeniyê li dar xist.
Şoygû di axaftina xwe de îdîa kir, artêşa rûs li Donetskê 5 wargehên din jî bi dest xistine.
Li gorî wezîrê rûs deverên ketine bin kontrola Rûsyayê ev in: Grigorovka, Berestovoe, Stryapovka, Pokrovskoe, Semigorie.
Wezîrê rûs got, di sefera dawî de santrala termalê ya herî mezin a Ewrûpayê Uglegorskaya ketiye bin kontrola Rûsyayê.
Şoygû hin detayên êrişên li dijî sîstemên çekên NATO’yê yên li Ûkraynayê jî da.
Wezîrê rûs got, di êrişên Rûsyayê de 33 howîtzer, 200 roketên HIMARS û 39 fuzeyên Toçka-U hatine tunekirin
Moskow DYA’yê tometbar kir
Daxuyaniyek din a Rûsyayê di heman rojê de ji aliyê berdevkê wezareta parastinê Îgor Konaşenkov ve hate dayîn.
Konaşenkov di daxuyaniya xwe de qala hevkariya Amerîkayê û Ûkraynayê kir û û got, Washington bi rengekî aktîf di şer de cîh digire.
Berdevkê Rûs li ser êrişên li dijî hedefên sivîl ên parêzgeha Donetskê jî axîvî û got, ev êriş bi destûra rêvebiriya Joe Bîden a Amerîkayê pêk tê.
Konaşenkov li ser êrişa dawî ya li girtîgeha Yelenovkayê jî agahî dan û careke din îdîa kir, ev êriş bi fuzeyên ku amerîka dane Ûkraynayê hatiye kirin.
