Infowelat Enformasyon Ji Bo Welat
Gotarên Têkildar
A.Rahman Çelîk
Xetereya xerabûna agirbesta Xezayê mezin dibe.
Piştî Trump, Netanyahû jî gef li Hamasê xwar.
Netanyahû got, eger rehîne neyên radestkirin wê agirbestê bi dawî bikin.
Serokwezîrê Îsraîlê Benyamîn Netanyahu jî da ser rêya Trump û gefa bidawîkirina agirbestê xwar.
Serokê şerxwaz wiha axivî:
“Eger hêsîrên hatibûn plankirin serbest bernedin, em ê agirbestê bi dawî bikin û êrîşên xedar pêk bînin.”
Donald Trump jî du roj berê piştî gefa li Hamasê, pêşniyazî Îsraîlê kiribû ku agirbestê bidawî bikin.
Hamasê bi hinceta Îsraîlê şertên agirbestê binpê dike, pevguhertina hêsîran dabû sekinandin.
Serokê Amerîkayê Donald Trump di mijara kontrola Amerîkayê ya li ser Xezayê israr dike.
Li ser pirsên rojnamevanan Trump wiha axivî:
“Li Xezayê tiştekî bê kirîn tuneye. Em ê wê derê dewir bigirin û têxin bin erkdariya Amerîkayê.”
Kralê Urdinê dengê xwe nekir
Kralê Urdinê Evdilayê 2. di hevdîtina bi Trump re nexwest li ser vê meseleyê biaxive.
Di heman meseleyê de Şêwirmendê Ewlekariyê yê berê yê dema Trump John Bolton jî axivî.
John Bolton helwesta Serokê Amerîkayê rexne kir, got:
“Felsefeyeke Donald Trump tuneye, daxuyaniyên wî ji bo Amerîkayê stratekjiyeke mezin a ewlekariyê pêk nayînin. Şêwaza wî Amerîkayê wê hin zêdetir ji hedefên wê dûr bixe.”
YE dixwaze li herêmê rol bigire
Li aliyê din, Yekîtiya Ewrûpayê jî dixwaze rola xwe ya li Rojhilata Navîn zêde bike.
Parlamentoya Ewrûpayê li bajarê Strasburgê yê Fransayê rûniştina Rojhilata Navîn li dar xist.
Di dema rûniştinê de rexneyên ku roleke bi bandor pêk nayîne li Yekîtiyê hat kirin û biryar hat dayîn ku rola YEyê li Rojhilata Navîn bê xurtkirin.
Foto: Benyamin Netanyahu/Peyama Kurd
