Home / Zıman / Encamnameya komxebata ziman

Encamnameya komxebata ziman

 

 

 

Di navbera 25-26’ê nîsanê de ji aliye Kongreya Civaka Demokratîk ve “Komxebata Polîtîkayên Ziman û Perwerdeyê” hat lidarxistin. Di vê Komxebatê de polîtîkayên ziman û perwerdeyê yên ku wê sazî û dezgehên gelê kurd û siyaseta wê bişopînin hatin nîqaşkirin. Di pêşengiya KCD’ê de saziyên Ziman û Perwerdehiyê yên wek Egîtîm Sen, Kurdî-Der, MAPER, Weqfa Mezopotamya, Şaredariya Bajarê Mezin, kes û nûnerên saziyên ku di qada ziman û perwerdehiyê de xebatan dimeşînin, bi tevahî 70 delege beşdar bûn. Di komxebatê de çespandineke wiha derket holê ku xebatên heta niha hatine kirin zimanê kurdî gihandiye astekê û li ser ziman haydariyêk afirandiye. Lê hat kirpandin ku zimanê gel û civakan heta ku nebe zimanê perwerdehiyê, ziman pêş ve naçe û nikare xwe biparêze. Di serkeftin û misogerkirina azadî û demokrasiyê de yekemîn stûna bingehîn ziman, çand û hunera civaka demokratîk e. Lewma di tevahiya pêngavan de, divê zimanê civaka demokratîk esas bê girtin û avadaniya xweseriyê jî, bi heman zimanî pêk bê. Ji ber vê yekê komxebata ziman ji bo di serî de gelê kurd û tevahiya gelan û kêmneteweyan dikaribin bi zimanê dayikê perwerdeyê bibînin xebata afirandina bingeheke zagonî û makezagonî daye ber xwe û di encamê de gihîştiye biryarên girîng. Di encama komxebatê de ev biryar hatin wergirtin:

1 – Di 6 mehên pêşiya me de ji bo ku polîtîkayên ziman û perwerdehiyê bi kûrahîtir bên nîqaşkirin û gihîştina hin biryarên diyarker bên pêkanîn, divê komcivînek bê lidarxistin.

2 – Divê ku dibistanên pîlot li gor pêdivî û derfetan bên zêdekirin. Ji bo vê yekê divê xebatên filîzîbîteyê yên pêwist bên destpêkirin.

3 – Ji bo berfirehkirina xebatên ziman û perwerdehiyê, li gorî awayê meclîsê divê xebatên afirandina pêkateyek û rêxistinê bên destpêkirin.

4 – Ji bo xebatên peyvnasiya mijarên cur bi cur divê komîsyoneke xweser bê avakirin.

5 – Tevahiya saziyên siyasî, kargêriyî û xizmetê, divê di xebatên xwe yên hundirîn û pevnivîsî yên hundirîn de, zaravayên heyî bi heman hestyariyê li ber çavan bên girtin û bi zimanê dayikê bên pêkanîn.

6 – 21’ê Sibatê Roja Zimanê Dayikê ya Cihanê û 15’ê Gulanê Cejna Zimanê Kurdî divê tevahiya sazî û dezgehên me tevli bernameya xwe ya salane bikin û li gor wate û girîngiya rojê çalêkiyên guncaw bên pêkanîn.

7 – Ji bo mafê perwerdehiya bi zimanê dayikê bêsînor û bê pirsgirêk bê bikaranîn guherînên zagonî û makezagonî yên pêwîst bên pêkanîn, ger di asta siyasî de, ger ku di asta çalakiyan de be, em piştgiriyê didin hewldan û xebatên tên kirin.

8 – Komxebata me piştgiriyê dide perwerdeya bi zimanê dayikê ya tevahiya gelên ku li mezopotamyayê dijîn.

9 – Komxebata me bi tevahî ji bo di pergala me ya perwerdehiyê û xebatên me yên ziman de pêşxistina helwesta wekheviya zayend û esasên jina azad a demokratîk dipejirîne.

10 – Di serî de ji bo saziyên me yên siyasî û tevahiya saziyan di xebatên xwe de zimanê dayikê bikar bînin kirpandineke bi taybet dike.

Çavkanî: Azadiya Welat

About infowelat.com

Check Also

Li Amedê însîyatîfeke ziman tê damezrandin

Saziyên kurd ên li bakurê Kurdistanê biryarê dan însîyatîfele sivîl a zimanê kurdî damezrînin. 13 …