Home / Zıman / Pêşdibistanên Hesekê bi sê zimanan dest bi perwerdeyê dikin

Pêşdibistanên Hesekê bi sê zimanan dest bi perwerdeyê dikin

 

 

 

Berpirsa Saziya Jinê Kantona Cizîrê Amîna Omar di derbarê amadekariyên perwerdeya sala nû de agahî dan çapemeniyê. Amîna got ku wê di pêşdibistanên li kantonê bi sê zimanan perwerde bê dayîn.

Omar van agahiyan da: “Piştî ku li kantonê 8 pêşdibistan vebûn, me ligel projeyên herî dawî ya saziyê, pêdiviyên pêşdibistanan peyde kir. Em ê niha  li ser daxwazên gelê li herêmê, li sê taxên Hesekê yên bi navê Çelaxan, Til-Temir û El-Ezîziyeyê sê pêşdibistan vekin.”

Omar got ku mamosteyên pêşdibistanan wê bi mifredata nû zarokan bi zimanên kurdî, erebî û suryanî perwerde bikin. Di mifredatê de metodên perwerde û hîndekariya zarokan, nivîsandina tîpan, çîrokên zarokan û evîna ji bo welat cî digire.

Di daxuyaniya xwe de Omar diyar kir ku mamoste li Akademiya Celadet Bedirxan a li Qamişloyê di warê meşandina mifredata kurdî de perwerde bûne.

Înfowelat

 

About infowelat.com

Check Also

Li Amedê însîyatîfeke ziman tê damezrandin

Saziyên kurd ên li bakurê Kurdistanê biryarê dan însîyatîfele sivîl a zimanê kurdî damezrînin. 13 …