Par 3 hezar penaber di deryayê de xeniqîn

Koçber herî zêde di rotayên deryayî yên di navbera Lîbya û Îtalyayê de jiyana xwe ji dest didin.

Duyemîn rotaya herî xetere rotaya di navbera Afrîka û Giravên Kanaryayê de ye.

Neteweyên Yekbûyî bi raporekê, hejmara kesên 2021`ê li ser riyên deryayî yên ber bi Ewrûpayê de jiyana xwe ji dest dane eşkere kir.

Shabia Mantoo. Berdevka UNHCRê

Li gorî daneyên Komîseriya Bilind a Penaberan a Neteweyên Yekbûyî (UNCHR) Neteweyên Yekbûyî par 1.924 kes li Derya Spî jiyana xwe ji dest dane.

Rapor diyar dike, piraniya  penaber herî zêde di rotayên di navbera Lîbya û Îtalyayê de jiyana xwe ji dest dane.

Duyemîn rotaya herî xetere ya penaberan, riya deryayî ya di navbera Afrîka û Giravên Kanaryayê de bûye.

Neteweyên Yekbûyî radigihîne, di vê riya dirêj a deryayî de par 1.153 penaber jiyana xwe ji dest dane.

Derbarê naveroka raporê de Berdevka Komîseriya Bilind a Penaberan a Neteweyên Yekbûyî Shabia Mantoo li Cenevreyê civîneke çapemeniyê li dar xist.

Mantoo got, ji serê sala 2022’an û heta niha 478 kesan di rotayên Derya Spî û Kanaryayê de jiyana xwe ji dest dane.

Berdevka rêxistinê got, “Rêwitiya ji Senegal û Morîtanyayê ber bi Giravên Kanaryayê de carinan 10 rojan didome û gelek botên penaberan ji ber pêlên deryayê noqav dibin.

 

infowelat.com

Li vê jî binêre

Li Swîsreyê serîlêdanên penaxwazîyê zêde bûn

Di sibatê de 2,449 serîlêdanên ji bo penaberiyê li Swîsreyê hatine kirin. Welatîyên ji Afganistan, …