Li Brîtanyayê kampanyaya ji bo Rojava

Komeleya Aboriya Piştgiriyê ya li Brîtanyayê, bi mebesta desteka ji bo Rojava, li ser înternetê kampanyayek da destpêkirin.

Bi mebesta danasîna naverok û armanca vê kampanyaya watedar, vîdyoyeke kurt hat weşandin. 

Kesên xêrxwaz bi riya malpera komeleyê
https://www.crowdfunder.co.uk/water-for-rojava dikarin bi dayina ji 1 euroyî heta 300 euroyî tevlî vê kampanyayê bibin.

Kampanya bi slogana Av ne çek e lê jiyan e! tê meşandin û bi vî awayî jî qutkirina ava Rojava ya ji aliyê dewleta tirk tê teşhîrkirin.

Di rûpela kampanyayê de tê ragihandin, dewleta tirk û çeteyên wê, ava nêzîkî 500 hezarî welatiyan qut kirine û yek ji armancên vê kampanyayê alîkariya ji bo projeyên ava herêmê ye.

Pereyên wê bên berhevkirin, ji bilî projeyên avê, wê ji koperatîfên jinan û şaredariyên li Rojava re bê şandin.

Komeleya Aboriya Piştgirî ligel Komeleya Aboriya Jinê ya Rojava û Heyva Sor a Kurdistanê Şaxa Brîtanyayê, bi hin saziyên navneteweyî ya piştgiriyê re xebatên hevpar dimeşîne.

About infowelat.com

Check Also

Li Karakalpakistanê berxwedana ji bo parastina statuyê

Komara Karakalpakistanê herêmeke xweser e a li rojavayê Ozbekistanê ye û bergirehbûna bi qasî 166.000 …