Home / Autonomos / “Kosowa ne dewleteke û nikare bibe dewletek”

“Kosowa ne dewleteke û nikare bibe dewletek”

 Di 8’emîn salvegera serxwebûna Kosowayê de Wezîrê Karên Kedê, Civakê û Gaziyên Şer ê Sirbîstanê Alexander Vulin got ku “Kosowa ne dewleteke û li wir ne ji bo sirban û ne jî ji bo albaniyan hiqûq û edalet tuneye”.

Vulin da xuyakirin ku dewlet li ser bingehên hiqûq û edaletê tên damezrandin û “mirovên li welatekî dijîn bi tenê dikarin dewletekê ava bikin”.
Wezîrê sirb di derbarê mijarê de wiha axivî: “Problem ev e ku hêzên mezin qebûlkirina şaşiya xwe û naskirina ku Kosowa ne dewleteke û nikare bibe dewletekê, dijwar dibînin.  Ji bo wan lixwemukurhatina ku ew hebûneke ku li ser bingehên zorê, şidetê û tunekirina rêxistinên sirban hatiye damezrandin, dijwar e”.
Vulin got ku wê hikumeta sirb ti carê Kosowa wekî dewleteke serbixwe qebûl neke û diyar kir ku “heta ku hemû kesên hatine qewirandin venegerin, li Kosowa û Metodijayê edalet pêk nayê”. Vulin pê de çû û got ku li Kosowayê sûcên şer nehatine darizandin, bersiva 44,000 serîlêdanên şêniyên sirb ên ji bo milkên wan ên li Kosowayê nehatiye dayîn û 250,000 sirbên Kosowayê ku ji herêmê koç kirine heta niha venegeriyane.

Înfowelat

 

About infowelat.com

Check Also

SNP li Îskoçyayê bû partiya yekemîn

Partiya îskoç a serxwebûnxwaz SNP (Partiya Neteweyî a  Îskoç) di hilbijartinên ji bo Parlamentoya Yekitiya …