Îsraîl bi Marokê re peymanekê îmze kir

Îsraîl û Marok piştî avakirina têkiliyên dîplomatîk gaveke din jî avêtin

Her du welat peymaneke di warê sîstema edaletê de îmze kirin

Ji bo peymanê, wezîrê edaletê yê Îsraîlê Gîdeon Saar çû Marokê.

Belgeya hevkariya di warê hiqûqê de, ji aliyê Saar û hemkarê wî yê Marokî Abdelatîf Wehbî ve hate îmzekirin.

Bi vê gava dawî, Îsraîl têkiliyên xwe yên bi Marokê re derxist asteke bilind.

Di 2020’an de Marok û Îsraîl cara yekemîn têkiliyên dîplomatîk saz kiribûn.

Wezîrê Edaletê yê Îsraîlê Gideon Saar û hemkarê wî Abdellatif Wehbî

Paşê her du welat ji bo pêşxistina têkiliyên leşkerî peymanekê îmze kiribûn.

Îsraîl bi alîkariya Amerîkayê ji bo normalkirina têkiliyên xwe yên bi welatên ereb re kampanyayeke dîplomasiyê dabû destpêkirin.

Bi vê hemleya nû, Îsraîl bi Yekitiya Mîrektiya Ereb û Bahreynê re peymanên hevnasîn û aboriyê mor kiribû.

About infowelat.com

Check Also

Trump li dadgehê neaxivî

Serê serokê Donald Trump bi dadgehên Amerîkayê re di belayê de ye Piştî biserdagirtina koşka …