Home / Autonomos / Gilgit-Baltîstan xwedî nasnameyeke taybet e

Gilgit-Baltîstan xwedî nasnameyeke taybet e

 

Ji % 82’yê welatiyên Gilgit-Baltîstanê ya li bakurêrojhilatê Pakîstanê xwe ji nasnameya keşmîrî dûr dibînin. Digel Biryara Rêvebiriya Xweser a a 2009’an welatiyên herêmê doza mafên berfirehtir dikin û dixwazin ji aliyê Destûra Bingehîn a Pakîstanê ve mafên wan bên naskirin.

Di encama anketeke ku li ser 500 welatiyên jin û mêr ên herêma Gilgit-Pakîstanê hat kirin, derket holê ku ji % 82’yê welatiyên vê herêmê xwe wekî pakîstanî bi nav dikin û xwe ji nasnameya keşmîrî dûr dibînin. Anket ji aliyê Enstîtuya Polîtîkayê ya Gilgit-Baltîstanê û bi alîkariya Navenda Aştî, Pêşketin û Reformê (CPDR) ve hat lidarxistin.

Li gorî raporta di encama anketê de hat weşandin, piraniya welatiyan dilxweşiya xwe ji bo Biryara Xurtkirin û Xweseriyê ya 2009’an diyar kirine. Ji % 70’yê welatiyan bawer dikin ku vê biryarê derfeta parastina nasnameya wan û qebûlkirina qanûnan a di derbarê meseleyên lokal de dide wan.

Herwiha raport dide xuyakirin ku înkarkirina mafê naskirina destûra bingehîn û mafên siyasî a bi hinceta domkirina meseleya Keşmîrê de, di nava welatiyên herêmê de gumanên li dijî Pakîstanê bilind dike. Welatî di warê mijarên wekî tenduristî, perwerde û rêjeya bilind a bêkariyê de aciziyên xwe diyar dikin.

Rapor diyar dike ku Konseya Gilgit-Baltîstanê ya di 2009’an de hatiye damezrandin û ji aliyê serokwezîrekî û şeş wezîran ve tê birêvebirin, bûye saziya sereke ya biryargir a li herêmê û Meclîsa Qanûnsaz a herêmî bi sînor kiriye. Hatiye destnîşankirin ku vê meclîsê hîn aktîf e lê biryarên sereke bi riya konseya herêmî, ji aliyê hikumeta Îslamabadê ve tê girtin.

Înfowelat

 

 

About infowelat.com

Check Also

Etiyopya û Oromo li hev kirin

Oromiya, herêma herî mezin ê Etiyopyayê ye û warê gelê oromo ye. Piştî şoreşa Etiyopyayê …