Gerîlayê berê bû serokê Kolombiyayê

 

Tûra duyemîn a hilbijartinên serokatiyê yên Kolombiyayê, encameke dîrokî bi xwe re anî.

Li welêt cara pêşî hegemonyaya partiyên rastgir a li ser siyasetê hate şikandin.

Gustavo Petroyê ku destekeke berfireh ji tevgerên civakî girt, ji sedî 50’yê dengan wergirt û serokê welêt.

Gustavo Petro. Siyasetmedarê kolombiyayî 50 ji %ê dengan girt û bû serokê welêt.

Namzetê rastgir û nûnerên sektora kar Rodolfo Hernandez ji sedî 47’ê dengan girt û di pêşbirka siyasî de têk çû.

Gustavo Petro bû serok

Gustavo Petro, endamê rêxistina gerîla M-19 bû ku di 1990’an de dawî li hebûna xwe anîbû.

Petro di axaftina xwe ya serkeftinê de mesajên nerm da û got; ew ê di rêvebiriya xwe de tu carî dijberên xwe yên di nava dewletê de ji kar dernexe.

Petro axaftina xwe wiha dom kir:

Ew ê di dema hukumeta min de zilma siyasî an dozên hiqûqî pêk neyên. Hurmet û diyaloga siyasî wê prensîbên sereke yên hukumetê be.

Herwiha serokê nû ligel daxwaza aştiya bi dijberan re, di axaftina xwe de soza çareserkirina problemên gundî, xwecî, jin û ciwanên li welêt jî da.

 

infowelat.com

Li vê jî binêre

Li Swîsreyê serîlêdanên penaxwazîyê zêde bûn

Di sibatê de 2,449 serîlêdanên ji bo penaberiyê li Swîsreyê hatine kirin. Welatîyên ji Afganistan, …