Home / Rojev / Danezana Gironayê ya Mafên Ziman

Danezana Gironayê ya Mafên Ziman

 

 

Kurtedîrok

Danezana Gironayê ya Mafên Ziman di civîna Komîteya Werger û Mafên Ziman a PEN’a Navneteweyî ku di Gulana 2011’an de li bajarê Gironayê ya li Katalonyayê hat lidarxistin de, derket holê. Danezan, di Îlona 2011’an de di Civîna Giştî ya Kongreya Salane ya 77’emîn a PEN’a Navneteweyî de hat qebûlkirin.  Danezana Gironayê ya Mafên Ziman naveroka Danezana Unîversal a Mafên Ziman ku di 1996’an de li Barselonayê hatibû qebûlkirin armancên PEN’a Navneteweyî ya ji bo xurtkirina mafên ziman û wergerê ya li seranserê cîhanê bi kurtahî tîne ziman.

 

Danezana Gironayê ya Mafên Ziman

 

1-      Cihêrengiya ziman mîrateya cîhanê ye ku divê rûmeta wê bê zanîn û parastin.

2-      Rêzdariya ji bo hemû ziman û çandan ji bo pêvajoya avakirin û domandina diyalogê û aştiyê ya li cîhanê mijareke bingehîn e.

3-      Hemû takekes di nava dilê civaka ku jiyan, ziman, çand û nasnameyê dide wan de fêrî ziman dibin.

4-      Zimanên cuda û riyên cuda yên axaftinê ne tenê amûrên ragihandinê ne; ew di heman demê de hawîrdora ku mirov tê de mezin dibin û çand tê de tê avakirin e.

5-      Her civaka ziman xwedî mafê ku zimanê wê li ser axa wê wekî zimanê fermî bê bikaranîn e.

6-      Zimanê perwerdeya li dibistanan divê alîkariya prestîja zimanê ku ji aliyê civaka ziman a li ser erdê wê tê axaftin, bike.

7-      Zanîneke gelemperî ya zimanên cihê ya ji aliyê welatiyan tiştekî tê xwestin e, ji ber ku vê yekê destekê dide empatî û vekirîbûna entelektuel û alîkariya kesekî dike ku ew bi awayekî kûr zimanê xwe bizanibe.

8-      Wergerên tekstan, bi taybetî berhemên mezin ên ji çandên cihêreng, di pêvajoya famkirin û rêzdariya mezintir a di nava mirovahiyê de hêmaneke pir girîng temsîl dike.

9-      Medya, ji bo xebitandina cihêrengiya ziman û bi awayekî têrtije û xurt bilindkirina prestîja wê dengekî bi îmtiyaz e.

10-   Mafê bikaranîn û parastina zimanê kesekî divê ji aliyê Neteweyên Yekbûyî ve wekî mafên mirov ên sereke bê naskirin.

 

 

 

 

 

About infowelat.com

Check Also

Betlaneyek ji Kurdî re

Luqman Guldivê Bi 15 zarokên ji Elmanya û Fransayê li Brotanyayê (Bretonya) kampa zimanê Kurdî …