Home / Autonomos / Bouganville di 2019’an de referandûma serxwebûnê li dar dixe

Bouganville di 2019’an de referandûma serxwebûnê li dar dixe

Roja referandûma serxwebûnê ya Bouganvilleê ya girêdayê Papûa Gîneya Nû (PGN) hat diyarkirin. Hikumeta xweser û hikumeta ya PGN’yê li hev kirin ku referandûm di 15’yê Hezîrana 2019’an de bê lidarxistin.

Lidarxistina referandûmeke li herêmê di peymana 2001’an de ya di navbera Bouganvilleê û PGN’yê de hatibû qebûlkirin. Di dawiya salên 1980’an de di navbera çekdarên alîgirê serxwebûnê (BRA) û hêzên dewletê de pevçûn dest bê kiribû. Peymana aştiyê dawî li pevçûnê anîbû û xweseriyeke bisînorkirî ya Bouganvilleê hatibû damezrandin. Bi peymanê hatibû qebûlkirin ku referandûma ji bo serxwebûnê di navbera salên 2015-19’an de bê lidarxistin. Hikumeta PGN’yê li xwe girtibû ku lêçûyinên referandûmê di butçeya 2017’an de bi cî bike.

Serokê Herêma Xweser ê Bouganvilleê John Momis di derbarê mijarê de got ku diyarkirina dema referandûmê wê bêaramiya li herêmê kêm bike û pêvajoya bêçekbûna hêzên serhildêr bide destpêkirin.

Li gorî peymanê hikumeta PGN’yê ne mecbûre ku encamên referandûmê qebûl bike û li gorî wê tevbigere. Çavdêr di derbarê vê mijarê de didin zanîn ku bi îhtimaleke mezin alîgirên serxwebûnê wê di referandûmê de bi ser kevin û eger vê encamê ji aliyê hikumetê neyê naskirin wê li herêmê bêaramî zêde bibe.

Papûa Gîneya Nû welateke li Okyanûsa Pasîfîkê ye û ji sedan giravan pêk tê. Li welat 800 ziman tên axaftin û li çend herêman daxwaza xweseriyê tê kirin.

Înfowelat

 

 

About infowelat.com

Check Also

Grondland

Profîl Nifûs: 55,877 (2018) Berfirehbûn: 2,166,086 km2 Paytext: Nuuk Zimanê fermî: Grondlandî Destpêka xweseriyê: 1979 …