Home / Mafên Mirov / Belcîka jenosîda ermeniyan nas kir

Belcîka jenosîda ermeniyan nas kir

 

 

 

Parlamentoya Belcîkayê biryareke ku bûyerên 1915’an ên ermenî rû bi rû mabûn wekî “jenosîd” bi nav dikir, qebûl kir.

Di biryarê de li ser girîngiya qebûlkirina jenosîdê ya ji aliyê Tirkiyeyê ve tê sekinandin û bang li Tirkiye û Ermesnîstanê tê kirin ku “sedsaliya Jenosîda Ermeniyan ji bo jinûvedestpêkirina têkiliyên dîplomatîk, vekirina sînor û avakirina riya entegrasyona aboriyê bi kar bînin.” Herwiha, bang li dîrokzanan tê kirin ku hewldanên xwe yên ji bo ronîkirina bûyerên 1915 berdewam bikin.

Biryar ji aliyê endamê parlamentoyê Petere De Roover ve hatibû amadekirin, di destpêka vê mehê de pêşkêşî Komîteya Têkiliyên Derve yên Parlamentoya Belcîkayê hatibû kirin. Piştî qebûlkirina biryarê ji aliyê komîteyê ve, biryara navborî roja Pêncşemê hat ber destê civata giştî ya parlamentoyê.

Serokwezîrê Belcîkayê Charles Michel di demên dawî de gotibû ku ew qirkirina ermeniyan a 1915’an ya li Împaratoriya Osmanî jenosîd dihesibîne.

Senatoya Belcîkayê jî di 1998’an de Jenosîda Ermeniyan naskiribû.

Welatên ku Jenosîda Ermeniyan nas kirine ev  in:

Ûrûguay                (1965)

Qibris                     (1982)

Rûsya                    (1995)

Yewnanîstan       (1996)

Îtalya                    (2000)

Vatîkan                (2000)

Libnan                  (2000)

Fransa                   (2001)

Swîsre                  (2003)

Kanada                (2004)

Slovakya               (2004)

Holenda               (2004)

Lîtvanya               (2005)

Venezuela           (2005)

Şîlî                        (2007)

Arjantîn               (2007)

Swêd                     (2010)

Bolîvya                 (2014)

Awisturya           (2015)

Almanya               (2015)

Belcîka                 (2015)

 

Înfowelat

 

About infowelat.com

Check Also

Meclîsa Nûneran a Amerîka di hewldana naskirina jenosida Êzdiyan de ye

  Lijneya karûbarê derve ya Encûmena Nûnerên Amerîka bi yek deng, pirose yasaya di derbarê …