Home / Civak / Baroya Diyarbekirê ji ber “Îstîmlaqkirinê” li Serokwezîrtiyê doz vekir

Baroya Diyarbekirê ji ber “Îstîmlaqkirinê” li Serokwezîrtiyê doz vekir

Baroya Diyarbekirê ji ber biryara ‘îstîmlakirina bilez’ ya navçeya Sûrê li dijî Serokwezîrtî û Wezareta Bajarvaniyê ya Tirkiyê doz vekir. Baro dibêje, mafê mulkiyeta xelkê tê binpêkirin û tê xwestin ku nifûsa Sûrê biguherin.

Civata Wezîran beriya hefteyekê derbarê hin taxên navçeya Sûr ya Diyarbekir û navçeya Silopî ya Şirnexê de biryara îstîmlaqkirina bilez da. Saziyên sivîl û xelkê navçeyan li dijî vê biryarê derdikevin û dibêjin bêyî destûra wan dewletê ev biryar daye.

Baroya Diyarbekirê jî dixwaze biryara  ‘îstîmlaqkirinê’ bê sekinandin û serî li Şûreya Dewletê da. Li gorî ragihandina Cigirê Serokê Baroyê Ahmed Ozmen, dewletê biryara îstîmlaqkirina 6 Hezar û 642 parsêlan daye.

Ozmen wiha dibêje: “50 Hezar kes li wan taxên ku tê xwestin werin îstîmlaqkirin dijîn, dixwazin bi îmara ewlekarî xebatekê bimeşînin.”  Saziyên sivîl dixwazin gavên îstîmlaqkirinê bêyî şêwirmendiya wan neyên avêtin.

Jêder: Kurdistan24.com

 

 

About infowelat.com

Check Also

Daxwaza maoriyan a ji bo serdestiyê 180 sal in didome

Hejmara van nameyên dîrokî di ser 700’î re ye û aniha ketiye nav arşîva înternetê …