Antîfa, kurtenavê Antî-faşîst ango tevgera li dijî faşîzmê ye.
Tevneke berfireh tevger û pêkhateyên çepên şoreşger e..
Peyva Antîfa, cara pêşî sala 1946’an li dijî Naziya Alman derket holê.
Sala 2016’an piştî hilbijartina Donald Trump, Antifa li Amerîkayê lez da xebatên xwe..
Û 2017’an endamên wan daketin meydanan..
Li dijî neo-naziyan, nijadperestî û cihêkariya li hemberî afro-amerîkayî’yan dest bi çalakiyên protestoyî kir û bi vî awayî hebûna xwe ragihand..
Her çendî wê demê rêbaza çalakiyên vê komê weke tûndî hat dîtin jî rêveberiya Amerîkayî ji ber 2 sedeman nekarî wê weke hêzeke terorê binav bike..
A yekemîn ji ber ku ev kom li nava Amerîkayê hatiye sazkirin û qanûnên welat di rewşeke wisa de nikare navê terorê lê bike.
Duyemîn jî Antîfa ti carî weke organîzasyon nehat dîtin.
Taybetmendiya herî balkêş a endamên vê komê ew e ku her tim bi maskeyan beşdarî çalakiyan dibin û ti carî nasnameyên xwe ji polîsan re eşkere nakin..
Heta niha li nava Amerîkayê weke şaneyên veşartî derketine holê û ji ber vê çendê nasname û hejmara endamên wê nehatiye zanîn..
Herî zêde jî li hemberî têgehên serdestî, homofobîk, nijasperestî û dijminahiya biyaniyan, xwepêşandan û çalakiyan lidar dixin..
Endamên vê komê her tim hêzên rastgir weke, faşîst û nijadperest binav kirin û li dijî belavbûna wan dixwazin bibin asteng..
Li gorî wan feraseta herî zêde dijminahiya jinê, hem-cins û kêm netewan dike, ya rastgiran e.
Her çendî beşekê Amerîkî rêbaza çalakiyên Antîfayê weke tûndî û talankeriyê binav dikin jî, pisporên zanîngehan di wê baweriyê de ne ku ya pêşî li hebûna komên wiha vekir, faşîzm e..
Lewma çalakiyên Antîfa di çarçoveya xweparastinê de dinirxînin..