Home / Autonomos / Alîgirên Rûsyayê li Donetskê serxwebûna xwe îlan kirin

Alîgirên Rûsyayê li Donetskê serxwebûna xwe îlan kirin

 

 

Li bajarê Donetskê ya li rojhilatê Ûkraynayê serhidêrên alîgirên Rûsyayê “komara gel” Donetskê damezrandin. Serhildêr dan xuyakirin ku ew ê ji bo diyarkirina qedera  bajêr û erdên girêdayê wê referandûmekê li dar bixin.

Serhildêrên rûs ên li Donetskê ku di 6’ê Nîsanê de avahiyên dewletê bi dest xistin, li ser navê Konseya Gel a ku ji aliyê wan ve hat damezrandin deklerasyonekê weşandin. Di deklerasyonê de di derbarê bernameya vê serhildana sivîl wiha hat gotin: “Gelê Komara Gel a Donetskê xwedî mafên erdan, çavkaniyên binaxê, qada xwe ya hewayê, av û çavkaniyên din ên ku di nava sînorê komarê de ye. Komar wê bi awayekî serbixwe biryarê bide ji bo statuya xwe ya aboriyê, siyaseta xwe ya fînans, kredî û razemeniyê bimeşîne, butçeya xwe ya dewletê ava bike û ji bo prosedurên di derbarê damezrandina pereyê komarê û fonên din biryarê bide. Mafê komarê heye ku karê avakirinê û xebatên din ên şîrket an saziyên ku xisarê dide ewlekariya neteweyî qedexe bike an bisekinîne. Wê deklerasyon ji dema ku hatiye qebûlkirin û pê ve têkeve pratîkê û wê ji bo pejirandina destûreke bingehîn a Komara Gel a Donetskê bingehekê amade bike.”

Donetsk bajarekî mezin ê endustriyê ye ku piraniya nifûsa wê ji kesên rûsîaxêf pêk tên. Bajêr di heman demê de navenda Wîlayeta Donetskê ye ku nifûsa wê li derdora 5 milyonî ye. Di nava pêla serhildana 6’ê Nîsanê de, ji bilî Donetskê li bajarên din ên wekî Harkov û Luganskê jî serhildêr gelek avahiyên dewleta Ûkraynayê bi dest xistin û daxwaza veqetîna ji vî dewletê kirin.

DKR_map copy2

Komara Donetsk a 1918’an

Serhildêrên ku çend roj berê li Donetskê serxwebûna wîlayetê îlan kirin, nav û ala berê yên komareke Sovyetê ya temenkurt bi kar anîn.  Komunîstên li rojhilata Ûkraynayê di Çileya 1918’an de Komara Sovyetê ya Donetsk-Krivoy Rogê damezrandin. Ji bilî Donetskê, bajarên Harkov, Yekaterinoslav, Kerson û herêma Donbassê di nava sînorê komara nû de ma. Damezrînerên vê komarê bi vê gava xwe xwestin ku herêma Donbassê ku qadeke zengîn ê madenan bû, ji kontrola Ûkraynayê derkeve û nekeve destê Împaratoriya Alman.

Salekê piştî Şoreşa Cotmehê ya 1917’an, Ûkrayna serxwebûna xwe îlan kir û ji Rûsyayê  veqetiya. Dewleta alman di van şert û mercên giran ên gelên ku li ser axa Împaratoriya Rûsyayê ya kevn dijiyan de dixwest hemû Ûkraynayê dagir bike. Lê dewleta nû ya Bolşevîk a li Moskowê ji rêvebiriya Komara Donetsk-Krivoy Rog xwest ku dawî li hebûna xwe bîne û li dijî almanan bi tevlî komunîstên ûkraynayî şer bike. Piştî bidawîbûna şer, Ûkrayna bû komareke Yekitiya Sovyetê û herêma Donetskê û derdora vê wilayetê li ser Ûkraynayê ma.

Çavkanî: En.ria.ru, nationalia.info, Itar-tass.com

 

About infowelat.com

Check Also

Grondland

Profîl Nifûs: 55,877 (2018) Berfirehbûn: 2,166,086 km2 Paytext: Nuuk Zimanê fermî: Grondlandî Destpêka xweseriyê: 1979 …

Leave a Reply

Your email address will not be published. Required fields are marked *