Home / Civak / Afrîkiyên li Meksîkayê: Venasîn pêk hat lê xizanî hîn didome

Afrîkiyên li Meksîkayê: Venasîn pêk hat lê xizanî hîn didome

Afro-meksîkî ji dema dagirkirina Meksîkayê ya ji aliyê Îspanyolan ve li vî welatî dijîn.

Kolonyalîstên Îspanyol, piraniya wan ji sedsala 15. û vir anîne Meksîkayê û ew wekî kole xebitandine.

Ew bi hêviya azadiyê, bi rengekî aktîf beşdarî şerê rizgariya Meksîkayê bûne.

Mixabin, piştî serxwebûnê jî cudaxwaziya li hember wan ji ber rengê wan ê reş dom kiriye.

Piraniya nifûsa Meksîkayê ji neviyên kolonyalîstên îspanyol û xweciyan pêk tên.

Piştî vî şêniyê ku weke mestîzo tê binavkirin, duyemîn koma mezin a li vî welatî xwecî ne û yên xwediyên pêşî yên vî welatî jî ew in.

Afro-Amerîkî ji ber rengê xwe, di nava her du koman de jî cî nagirin û ji bo naskirina nasnameya xwe ya cuda di ji 1990’an û vir ve têkoşîn dikirin.

Di 2015’an de, cara pêşiyê rêvebiriya meksîkî hebûna wan naskir û di serjimara vê salê de nifûsa afro-meksîkiyan tespît kir.

Li gorî encamên vê serjimarê, nifûsa vê komê 1.3 milyon e lê pisporên vê mijarê didin zanîn, nifûsa wan ne di bin 2 milyonî re ye.

Herêma afro-meksîkî lê dijîn

Piraniya afro-meksîkî li devera Kosta Chica ya li eyaleta Guerrero dijîn.

Ev dever, ji aliyê aboriyê ve li paş mayî ye û piraniya kesên li vir zêde xizan û bêîmkan in.

Afro-amerîkiyên ku nasnameya wan a etnîk hatiye naskirin, têkoşîna xwe ya ji bo edaleta civakî û aboriyê didomînin.

About infowelat.com

Check Also

Îtalyayê 6 meh mafê xebatê dide hin koçberan

Krîza penabariyê li Îtalyayê bi dawî nabe. Li vî welatî bi sed hezaran koçberên ku …